Alar baş kütärüçelär belän bäyläneştä dip uylanıla. Ğíraqnıñ Ramadí şähärendä amerikan xärbiläre belän köçle atışlar waqıtında 25 baş kütärüçe hälaq buldı, tağın 17 se yaralandı. Qorallı törkem yäşerenep torıp amerikan auto käräwänına xöcum itkäç atışlar başlandı. 14 amerikan xärbie yaralandı. Xöcüm itüçelärneñ 25 qulğa alındı. Quşma Ştatlar prezidentı Djordj Buş Ğíraqnıñ yaña xökemätenä amerikan qoralı kiterergä röxsät birde. Däwlät sekretare Qölin Pawälğä cibärelgän memorandumda Buş, duslıqtağı Ğíraq däwlätenä xärbi yärdäm Quşma Ştatlarnıñ üzeneñ iminlegen nığıtaçaq, dip äytelä.
