17 sentäbr könne Ufada Başqortstan Tatar kongressı Başqarma komitetınıñ cäyge yallardan soñ täwge utırışı bulıp ütte. Anda Başqarma qomitetnıñ könüzäk mäsäläläre tikşerelde. Utırışnı Başqarma qomitet räise Eduard Xämitov açtı häm alıp bardı.
İñ täwdä professor Cäwdät Ğiläcetdinov üz fikerläre belän urtaqlaştı. Tönyäk Osetiädäge xällärgä qağılıp ul. andağı qorbannarnıñ ğäiläläreneñ qayğısın urtaqlaşuın äytte, ämma şul uq waqıtta il citäkçelegeneñ Çeçnyäda suğış başlanğannan birle anda 200 meñ tınıç xalıqnıñ, şul isäptän 35 meñ balanıñ üterelüye xaqında ber süz dä äytmäwen assızıqladı. Cäwdät äfände Başqortstanda tatar telenä däwlät tele statusın taläp itü buyınça da eşne däwam itärgä kiräklegen äytte häm üz täqdimnären citkerde.
Kön tärtibenä kertelgän başqa mäsälälär buyınça BR Tatar oyışmaları berlege räise, BR Tatar kongressı Başqarma komitetı räise urınbasarı Ramil Bignov, Salawat şähäre kongressı räise Äsgät Qormanaev, professor Ruşan Ğallämov, Başqarma komitet äğzası Kärim Yawşev häm başqalar da çığış yasadı.
Fänis Fätxi, Ufa
Fänis Fätxi, Ufa
