İzrail' parlamentı bügen premyer ministr Ariel Şaronnıñ Gazadan beryaqlı çigenü programmasın qarawğa kereşte.
Armiäneñ Gazadağı Xan Yunıs qaçaq lagerında bügen irtän bulğan reydları waqıtında 60-tan artıq keşeneñ yaralanuı turında da xäbär itelä.
İzrail' yağı äytüençä, soldatlar, tanklar, raketalar qatnaşqan bu reydlar yaqındağı Yähüd bistälären fälestinlelärneñ minaatqıç höcümnärennän saqlaw maqsatı belän ütkärelgän.
Analitiklar fikerençä, İzrail' parlamentı Gazadan çigenü planın sulçı oppozitsion partiälär yaqlawı belän irtägä qabul itärgä mömkin.
Anda yäşäwçelär häm konservativ yähüdlär bu planğa kisken qarşı çığa. Ämma kiçä İzrail' xökümäte bu plannıñ töp öleşen, Gazadan küçereläçäk yähüdlärgä kompensatsiä tüläw turındağı qararnı rasladı.
