Bügen Rumıniädä prezident häm parlament saylawlarınıñ berençe turı uzdı. Cirle waqıt belän köndezgä säğat 12dä xalıqnıñ 11%tı tawış birgän dip xäbär itelä. Saylawaldı kampaniäse kiñ cäyelgän rişwätçelek häm xäyerçelek şartlarında uzdı. Prezidentlıqqa 12 namzät arasında iñ kürenekleläre – xakimiättäge sosial-demokratlar wäkile premyer-ministr Adrian Nastase häm urta-uñ Ğadellek Berlege başlığı, Buxarest merı Traian Basescu. Belgeçlär farazlawınça, saylawlarnıñ ikençe turın uzdıru kiräk bulaçaq. Ul kön inde 12 dekabergä bilgelängän.
