Accessibility links

Кайнар хәбәр

Ukraina Yuğarı Mäxkämäse qarar qabul itmäde


Oppozisiä namzäte Viktor Yuşçenkonıñ prezident saylawlarına protestın tikşerer öçen utırış ütkärgän Ukraina Yuğarı Mäxkämäse bügen ber nindi dä qarar qabul itmäde, premyer-ministr Viktor Yanukoviçnıñ yaqlawçılarına äzerlänergä östämä waqıt birelde. 21nçe noyaberdä ütkän ikençe tur prezident saylawlarınnan soñ ildä säyäsi krizis barlıqqa kilde. Uzğan yal könnärendä Yanukoviç öçen tawış birgän könçığış rayonnarda bülenü turında çığışlar buldı. Bügen prezident Leonid Kuçma Kievta ölkä başlıqları belän bulğan oçraşuda, xakimiätlärneñ saylawlarğa ber qatnaşı da yuq, dip belderde: "Üzäk Saylaw Komissiäse barı tik – tawışlarnı sanıy, anıñ saylawlarğa ber qatnaşı da yuq. Alar protokollarnı cıyıp, sanap, näticälärne iğlan itä. Saylawlarnı xakimiätlär dä ütkärmi. Xakimiätlär saylaw eşenä ber niçek tä qatnaşmıy," dide Kuçma. Ukraina Saqlanu Ministrı Oleksandr Kuzmuk, ildäge säyäsi kierenkelek urnaşuına borçılu belderde häm xärbi köçlär kiräk bulsa ilneñ bötenlegen saqlarğa äzer dide. Saqlanu ölkäse räsmiläre belän bulğan oçraşu waqıtında, Kuzmuk, nindi genä üzgäreşlär bulmasın, armiä Ukrainanıñ totrıqlılıq, bäysezlek häm territorial bötenlek garantiäse bulıp qala, dide.
XS
SM
MD
LG