Accessibility links

Кайнар хәбәр

Yuçenko köç qullanmasqa çaqıra


Ukraina prezidentlığına oppozitsiä namzäte Viktor Yuçenko bügen xökümätkä möräcäğät itep yäkşämbe saylawlarında köç qullanuğa yul quymasqa çaqırdı. Ägär eş qan qoyuğa barıp citsä, bu qotıçqıç xata bulaçaq, dide ul. Oppozitsiädäge deputatlar Yuçenkonıñ köndäşe, premier-ministr Viktor Yanukoviçnı, Yuçenko ciñgän oçraqta köç qullanuğa qotırtuda ğäyepli. Yanukoviç tarafdarları bu ğäyepläwlärne kire qağa. Xoquq saqlaw oyışmaları tawış birü waqıtında tärtip saqlarğa wäğdä itä. 21 noyäberdä ütkän ikençe tur saylawlarda Yanukoviç ciñüçe dip iğlan itelgän ide. Küp sanlı xärämläşülär säbäple Yuğarı mäxkämä bu näticäsne köçtän çığardı. 26 dikäber, yäkşämbe könne Yanukoviç belän Yuçenko arasında qabat saylawlar ütäçäk. Bügen saylaw aldı kompaniäseneñ soñğı köne. Soñğı fiker beleşülärgä qarağanda alda Yuçenko bara.
XS
SM
MD
LG