Rusiä prezidentı Vladimir Putin bügen Mäskäwda Qazaxstan prezidentı Nursoltan Nazarbayev belän oçraşıp, berniçä möhim kileşügä qul quydı: "Çik buyı kebek möhim mäs'äläne xäl ittek, monnan tış älegä qadär belgeçlär xäl itä almağan barlıq mäs'älälärne çiştek, Qazaxstannı häm Rusiäne Federasiäsen qanäğätländergän kileşügä ireştek," dide Vladimir Putin.
Qabul itelgän kileşülär arasında Rusiä-Qazaxstan çik buyı turında häm Qazaxstannıñ ikençe iñ zur gaz qırında – berlektä eşläw xaqında. Nazarbayev süzlärenä qarağanda, ike il şulay uq ğaläm eşlärendä xezmättäşlek itergä häm Qazaxstan iärçenen citeşterüdä bergä eşlärgä niät belderä.
Söyläşülär başında Rusiä prezidentı Putin, ike il arasında säwdä äyläneşe 50%qa arttı, dip belderde. Putin häm Nazarbayev şulay uq Bäysez Dälätlär Berdämlege illäre kergän Berdäm İminlek Kileşüe äğzalärenä Rusiädän tübän xaqqa qoral satıp alu mömkinlege turında da kileşkän.
