İrannıñ Yuğarı Milli İminlek Şurası başlığı Hassan Rowhani, Tähranda çığuçı köndälek Hamşahri basmasına, İrannı Amerika Quşma Ştatlarğa qarata mönäsäbäten üzgärtergä çaqırdı. Quşma Ştatlarğa "qarşı bulu – säyäsi berqatlılıq bulıp tora," dide Rowhani. Çönki AQŞnıñ dönya iqtisadı häm iminlegenä yoğıntısı bik zur.
İrannıñ yaña saylanaçaq prezidentı älege mäs'äläne xäl itergä, ozın möddätle plan täqdim itergä tieş, dip östäde Rowhani. Hassan Rowhani üze dä 17 iün könne İranda ütäçäk prezident saylawlarında namzät bulır dip farazlana.
Tähran belän Waşington arasında İrannıñ atom programması mäs'äläsendä qarşılıqlar däwam itä. İran belän Amerika Quşma Ştatları arasında diplomatik mönäsäbätläreneñ özelüenä inde 25 yılğa yaqın waqıt uzdı.
