Quşma Ştatlar Tönyaq Korea belän atom programması turında ike-yaqlı söyläşülär ütkärü täqdimen kire qaqtı. Aq Yort wäkile süzlärençä, Pxenyannıñ 6-yaqlı söyläşülär qısasında da üz süzen äytü mömkinlege bar. Älege täqdimne Tönyaq Koreanıñ Berläşkän Millätlär oyışmasındağı wäkile Han Sung Ryo yasağan ide. Anıñ, Tönyaq Korea 6-ayqlı söyläşürgä qaytır aldınnan, başta Quşma Ştatlar belän ike-yaqlı söyläşülär ütkärergä teli, digän süzlären bügen Könyaq Koreanıñ "Hankyoreh" gazetası bastırdı. Räsmi Waşington Pxenyan belän ike-yaqlı söyläşülärne moñarçı da kire qağıp kilde. Kiçä üzendä atom qoralı buluın iğlan itep, Pxenyan 6-yaqlı söyläşülärdän çığuı turında beldergän ide. Bu söyläşülärdä Qıtay, Könyaq Korea, Yaponiä, Rusiä häm Quşma Ştatlar qatnaşa. Pxenyannı bu qararın üzgärtergä çaqırğan möräcäğätlärgä bügen Qıtay, Könyaq Korea, Rusiä häm Avstraliä quşıldı.
