Cir şarınıñ cıyıluına kiterüçe dip sanalğan yapma tä'sire birüçe gazlar çığarunı kimetü turındağı xalıqara Kyoto kileşüe bügen ğämälgä kerde.
Bu kileşügä 8 yıl elek Yaponiäneñ Kyoto şähärendä ireşelgän ide. Tabiğätne yaqlawçı Greenpeace oyışması bügen bu uñaydan Kyotoda häm başqa zur şähärlärdä bäyräm itte.
Ämma Yewropanıñ tabiği möxit komissionerı Starvos Dimas bu tıynaq bäyräm bulırğa tieş, çönki Kyoto kileşüe inde ülemnär kiterä başlağan klimat üzgäreşlären kimetü öçen berençe genä adım dide.
141 il tarafınnan ratifikatsiälängän bu kileşü nigezendä 2012-nçe yılğa maşinalarda, elektr stansiälärendä, zavodlarda taşkümer häm neft yağulıqları yadnırudan çığuçı gazlar şaqtıy kimetelergä tieş. Yapma tä'sire birüçe gazlarnı iñ küp çığaruçı il bulğan Quşma Ştatlar Kyoto kileşüen ratifikatsiälämäde. Kileşü Qıtay, Hindstan häm Braziliä kebek üsep kilüçe illärdän andıy gazlarnıñ kimetelüen taläp itmi.
