Başqortstan militsiäse citäkçelege baş östendä äle haman da ütker qılıç uynaqlap tora. Rusiä prezidentı qarşındağı grajdanlıq cämğıyate häm keşe xoquqları üseşenä bulışlıq itü Şurası citäkçese Ella Pamfilowa atnaqiç könne Tübän Novğorodtağı cıyında yasağan çığışında: «Başqortstan eçke eşlär ministrı Rafael Diwayıv wazıyfasınnan alınırğa häm cinayät cawaplılığına tarttırılırğa tieş», – di açıqtan-açıq belderde. Anıñ süzlärençä, Başqortstannıñ Blagoveçen şähärendä xalıqnı militsiä häm OMON tarafınnan izü-kimsetülärdä Rafael Diwayıv turıdan-turı ğäiple. Şuña kürä iñ qatı cäzanı da ul alırğa tieş. Läkin Ella Pamfilowa Rusiä Eçke eşlär ministrlığı citäkçelegeneñ ni öçender Başqortstan militsiäse ğämällärenä haman da tieşle bäyäne birmäwenä ğäcäplänüen belderä.
Şul uq waqıtta Başqortstan militsiäse xezmätkärläre dä, yaqlaw sorap, Rusiäneñ Keşe xoquqları buyınça wäkile Vladimir Lukinğa möräcägät itkän. Lukin äfände atnaqiç könne şul uq Tübän Novğorodta jurnalistlar belän oçraşuda bu möräcägätne yazuda Başqortstannıñ räsmi xaqimiätläreneñ dä qatnaşlığı bulu ixtimallığın äytä. «Niçek kenä bulsa da, militsiä xezmätkärläre dä xalıq arasınnan çıqqan keşelär, şuña da alarnıñ möräcäğätenä dä bez iğtibarsız qala almıybız», – dip belderä Vladimir Lukin. Şulay itep Blagoveçendağı waqıyğalar uñayınnan keşe xoquqların yaqlawçılar belän militsiä arasında arqan tartışu haman da däwam itä. Älegä Başqortstandağı törle däräcädäge 7 militsiä xezmätkärenä qarata Blagoveçen waqıyğaları buyınça cinayät eşe açılğan inde. Ämma Ella Pamfilowa alarnı «waq balıqlar ğına» di häm ministrnıñ üzen cawapqa tarttırunı taläp itä.
Şul uq waqıtta Başqortstan militsiäse xezmätkärläre dä, yaqlaw sorap, Rusiäneñ Keşe xoquqları buyınça wäkile Vladimir Lukinğa möräcägät itkän. Lukin äfände atnaqiç könne şul uq Tübän Novğorodta jurnalistlar belän oçraşuda bu möräcägätne yazuda Başqortstannıñ räsmi xaqimiätläreneñ dä qatnaşlığı bulu ixtimallığın äytä. «Niçek kenä bulsa da, militsiä xezmätkärläre dä xalıq arasınnan çıqqan keşelär, şuña da alarnıñ möräcäğätenä dä bez iğtibarsız qala almıybız», – dip belderä Vladimir Lukin. Şulay itep Blagoveçendağı waqıyğalar uñayınnan keşe xoquqların yaqlawçılar belän militsiä arasında arqan tartışu haman da däwam itä. Älegä Başqortstandağı törle däräcädäge 7 militsiä xezmätkärenä qarata Blagoveçen waqıyğaları buyınça cinayät eşe açılğan inde. Ämma Ella Pamfilowa alarnı «waq balıqlar ğına» di häm ministrnıñ üzen cawapqa tarttırunı taläp itä.
