Accessibility links

Qırğızstan parlamentı ildä ğadättäntış wazğiät iğlan itergä çaqırdı


Qırğızstannıñ yaña parlamentınıñ berençe utırışında bügen çığış yasap, prezident Askar Akayev saylaw näticäläreneñ ğamäldä qaluın belderde. Parlament utırışı rezolüsiä qabul itü belän tämamlandı. Anda prezident Akayevqa, ildä ğadättäntış wazğiät iğlan itü täqdime bar. Akayev üzeneñ çığışında ilneñ könyağındağı qarşılıq çaraların ğadättäntış wazğiät kertmiçä, köç qullanusız ğına beterergä wağdä itte. Ul arada parlament saylawları näticälärenä qarşılıq belderü däwam itä. Oppozisiä tawış birüdä citdi xärämläşülär buluı turında xäbär itä. Qırğızstannıñ 3 şähärendä xakimiät binaları piketçılar qulında. Prezidentnıñ matbuğat wäkile Abdil Segizbayev, könyaqtağı Oş häm Jalalabad şähärlärendä oppozisiä wazğiätne inde kontroldä tota almıy, anda uram cıyınnarı belän cinäyätçel törkemnär idarä idä, dip xäbär itte.
XS
SM
MD
LG