Rusiä prezidentı Vladimir Putin Atom Faciğaları öçen Cawaplılıq turındağı Vena Konvensiäsen imzaladı. Älege xalıqara kileşü atom häläkätlärendä ziyan kürgän keşelärgä kompensasiä tüläwne taläp itä. Rusiädä böten atom qorılmaları däwlät qulında bulğanlıqtan, monıñ öçen cawaplılıqnı xökümät üz östenä ala.
Kileşügä qul quyğançı bulğan faciğalar öçen xökümät cawaplı tügel. 1986nçe yıldağı iñ däxşätle Çernobıl faciğasında ziyan kürüçelärgä Sovetlar Berlege ber tien dä aqça tülämäde.
1963nçe yılda qabul itelgän Vena kileşüenä dönyanıñ 32 ile qul quyğan, alarnıñ kübesendä atom qorılmaları yuq.
