Baqıda militsiä Azärbäycannıñ oppozitsion Milli Demokratik Partiäse başlığı häm elekke eçke eşlär ministrı İskändär Xämitovnı totqarladı
Kiñküläm mäğlümät çaraları xäbär itüençä, pänceşämbe könne Xämitov belän bergä anıñ ike yardämçese dä totqarlanğan.
Azärbäycannıñ ANS televideniese äytüençä, eçke eşlär ministrlığınıñ matbuğat üzäge Xämitov Baqı uramında röxsätsez narkotik satuçılarğa qarşı reyd eşenä tıqşınırğa mataşqannan soñ toqarlandı dip beldergän.
Xämitovnıñ advokatı Yawar Xösäin äytüençä isä Xämitov häm anıñ yardämçeläre eş urınınnan çıqqaç ta ministrlıqnıñ oyışqan cinayätçelekkä qarşı köräş bülege xezmätkärläre tarafınnan totqarlanğan. 1995-nçe yıla Xämitov aqşa üzläşterü häm wazıyfasınnan yaman faydalanu ğäyepläwläre belän 14 yılğa iregennän mäxrüm itelgän ide. Yewropa Şurasınıñ bu ğäyepläwlär nigezsez digän basımı näticäsendä ul 2003-neñ dikäberendä irekkä çığarıldı.
