Ufa. Başqortstan prokurorı Aleksandr Konovalov süzlärenä qarağanda, Blagoveçendağı xällärne tikşerü eşe inde nigezdä tämamlanğan, ğäyepläwlär belderelgän keşelär häm alarnıñ advokatları aldağı könnärdä şuşı cinayät eşe belän tanışa başlayaçaq. Prokuror, cawapqa eçke eşlär xezmätennän 8 keşe, şul isäptän 3 citäkçe dä tartıla, tağın ike xezmätkärneñ eşe ayırım tikşerelä dip belderde. Aleksandr Konovalov şulay uq, comğa könne üzeneñ urınbasarı itep Salawat Kärimovnıñ bilgelänüen xäbär itte. Elek Rusiä baş prokuraturasında ütä möhim eşlärne tikşergän Kärimov yaña urınında düşämbedän başlap eşli başlayaçaq dip xäbär itelä.
