Accessibility links

Кайнар хәбәр

Cirle xakimiätlärne saylaw 26 yüngä bilgelände


Başqortstanda cirle üzidärä başlıqların, şähärlär häm rayonnar xaqimiätläre başlıqların saylaw şuşı yılnıñ 26 iyünenä täğayınlände. Bu xaqta bügen Başqortstan prezidentınıñ maxsus färmanı dönya kürde. Ämma bu saylawlar Başqortstan cämägätçelendä älläni quanıç tudırmadı. Ni öçen digändä, Başqortstanda yañaraq cirle üzidärälär orğannarın saylaw buyınça oyıştırılğan referendum yomğaqları xaqimiätlär faydasına eşläyäçäk, dip belderelä. Räsmi citäkçelek küz buyap, xalıqnı tağın ber qat aldadı, dip belderä oppozitsiä wäkilläre.

Blağoweşçen şähärendä Başqortstan militsiäse tarafınnan uzğan yılnıñ deqabrendä oyıştırılğan tazartular, yözlärçä keşene tuqmawlar buyınça tikşerü eşläre azağına yaqınlaşıp kilä. Bu xaqta respublik proqurorı Qonowalov belderde. Anıñ süzlärençä, xäzer törle däräcäle 9 militsiä xezmätkärenä qarata cinayät eşe açılğan. Alarnıñ ğämälläre turındağı mäğlümatlar 40 tomnı täşkil itä.

Şul uq waqıtta keşe xoquqların yaqlawçılarnı bu xäbär genä tınıçlandırmadı, alar Başqortstan eçke eşlär ministrı Rafael Diwayıv ta motlaq wazıyfasınnan alınırğa häm aña qarata da cinayät eşe açılırğa tieş dip nıqışa.
XS
SM
MD
LG