Tatar Dönyasındağı säyäxätne bügen Finländiädän başlap cibäräbez xörmätle tıñlawçılar . Anda bıyıl yubiley yılı. Finländiädä Törkläre Berlegeneñ oyışuına 70 yıl tuldı. Ütkän şimbädä alar moñı bilgeläp ütte . Bez bügen FTBneñ yaña citäkçese Fidä Xäyrulla belän ängämä işettererbez, annan Qazannan Finländiä tatarlarına yaxşı tanış folklorçı –ğalim İlbaris äfände Nadirovnıñ FTBnı qotlaw kündermäse hem azaqta oyışmanıñ eleke räise Raif Nizametdinnan FTBnıñ ütkänenä qısqa küzätü işetersez.
Rusiädäge säyäsi, iqtisadi problemalar säbäple Tübän Novgorod tiräsendä yäşäwçe millättäşlärebez 19.ğasır azağı, 20.çe yözyıl başlarında aqırınlap Finländiägä küçep urnaşa başlıy.Alar Finländiäneñ törle urınnarı ämma başlıça ilneñ könyağında uqmaşıp urnaşa.1925nçe yılda könbatış Yevropanıñ berençe islam cämğiäte Finländiädä oyışa,1940-nçe yılda Yärvenpää mäçete tözelä başlıy ,ğıybadätxanä 1943nçe yılda xezmätkä açıla .Anı yevropanıñ in borınğı ağaç mäçete dip yazalar . Millätäşlär üzlären yaña ildä saqlap qalu öçen din qädär mädäniätneñ dä ähämiäten añlap 1935nçe yılda uq Finländiä Törekläre Berlegen oyıştıra. 70 yıl eçendä anıñ belän küp kenä räis häm räisälär citäkçelek itte. Bıyıl başlarında FTB citäkçese itep yäş , çibär , çit tellär şulsanda yaxşı törekçä dä belüçe, eş täcribäsen Ankarada da alıp ölgergän Fidä Xayrulla saylandı. Tutaşnıñ cilkälärenä 70yıllıq miras yöklänsä dä, ul bu eşne başqaraçaq dip ışanam . Anıñ citäkçelegendä ütkän berençe möhim cıyınnnan soñ miñ aña şaltırattım.Fidä(audio)
(cır)Sez Dina Aziznı tıñladığız
Qazannan Xelsinkigä kilgän berençe ğalimnärdän berse hiç şiksez İlbaris äfände Nadirov. İlbaris äfände fin tatarlarınıñ tormışın , eşçänlegen yaxşı belgän şäxes. Tatarstan mätbuğatında fin tatarları turında in kimendä 20mäqalä yazğan İlbaris äfände Nadirov Tatar tele Ädäbiatı,Sängäte İnstitutında 50yıldan artıq eşläp äle yaqın aralarda ğına täqäütkä –pensiägä çıqtı. Tatar Xalıq İcadı isemle äsäre belän A.Tukay bülägenä layıq bulğan İlbaris Nadirov Finländiä Törekläre Berlegeneñ 70yıllıq yübiläyen Azatlıq aşa qotladı(audio)
FTBneñ eleke räise Raif Nizametdin Qazanda, bigräk tä Qamal Teatrı tiräsendäge keşelärgä tanış isem.Fidä Bäyrämdä Raif Nizametdin oyışmanıñ tarixına küzätü yasadı dip äytkän ide. Bez Raiftan 70yılnı 6-7 minutqa sıydırırğa soradıq. (audio)
färidä xämit
