Vena -- Xalıqara Atom Energiä idaräse başlığı Möxämmät Äl-Baradei, üz belgeçlärenä, İrannıñ ike atom şirkätenä kerü röxsäte sorıy. Quşma Ştalar fikerençä, bu şirkätlärdä İran ğalimnäre atom qoralın yasaw niäte belän tikşerenülär alıp bara. Xalıqara Atom Energiä idaräse başlığı wazifasına qabat saylanğan Möxämmät Äl-Baradei, İran, uran bayıtu eşläre turında citärlek mäglümät birmäde, dip belderde.
Anıñ süzlärençä, Tähran, qayber östämä dokumentlar birsä dä, cawapsız sorawlar qala birä. Äl-Baradei, İran räsmilären, idarä belgeçlärenä, Parxin häm Lavizan-Şian şirkätlärenä kilergä röxsät birergä çaqırdı. Quşma Ştalar fikerençä, bu şirkätlärdä İran ğalimnäre atom qoralın yasaw maqsatı belän tikşerenülär alıp bara. İran bu ğäyepläwlärne kire qağa. Ul arada Tähran, Äl-Baradei'nıñ qabat Xalıqara Atom Energiä idaräse başlığı bulıp saylanuına xuplaw belderde.
