Qırğızstannıñ xakimiättäb töşerelgän prezidentı Äskär Aqayev üzeneñ ike töp säyäsi köndäşen yaqlap alar ilne citäkli alaçaq dide.
Prezident wazıyfaların başqaruçı Kurmanbek Bakievnı häm elekke iminlek xezmäte başlığı Feliks Kulovnı yaqlawçı Aqayev belderüe bügen Veçerniy Bişkek gazetında häm ber Qırğız-info internet säxifäsendä çıqtı.
Aqayev xislärne çitkä quyıp uylağanda, Bakiev belän Kulov Qırğızstan aldında torğan qıyınlıqlarnı çişü öçen iñ yaxşı keşelär dip uylawın äytä.
Töp qıyınlıqlar arasında ul ildä säyäsi totrıqlılıqnı köçäytüne häm demokratiäne üsterüne atıy.
Kulov belän Bakiev, ägär Bakiev 10-nçı yüldä ütäçäk prezident saylawlarında ciñep çıqsa Kulov premyer minsitr bulaçaq dip kileşte.
