Britaniä premyer ministrı Tony Blair cirle möselman citäkçeläre belän oçraşıp 7-nçe iyüldä Londonda bulğan şartlawlardan soñ Britaniädä extremizmnı tuqtatu yulları turında söyläşte.
Blair möselman cämğiäteneñ 25 wäkile, şul isäptän parlamenttağı barlıq 4 möselman belän dä oçraştı.
Oçraşudan soñ Blair härkem zolım ideologiäsen tuqtatu öçen tieşle mexanizmnar buldırunı teli dide.
Oçraşuda qaralğan töp mäs'älä - terrorğa qarşı täqdim itelüçe qanun, şul isäptän terror ğämällären xuplaw kebek, terrorğa etärüçe dip sanalğan ğämällärne tıyu buldı.
Möselman citäkçeläre Möselmannarğa qarşı yünältelgän bulıp kürenüçe härtörle yaña tıyuçı qanun wäzğiätne yaxşırtmıyaçaq, naçaraytaçaq qına dide.
