Bügen Quşma Ştatlarnıñ Discovery ğäläm korabı Xalıqara Ğäläm Stansiäsenä kilep quşıldı. Discovery 2 kön elek AQŞnıñ Florida ştatınnan oçıp kitkän ide. Bu 2003-nçe yılda Columbia ğäläm korabı hälakätennän soñ berençe amerikan oçışı.
Discovery Xalıqara Ğäläm Stansiäsenä azıq-tölek, kiräk yaraqlar häm materiallar kiterde häm annan cirgä çüplärne alıp qaytaçaq.
Ğäläm stansiäsenä 200 metrdan yaqınraq kilgäç Discovery aña artı belän borıldı häm Stansiädäge astronawtlar anı fotoğa töşerde. AQŞ ğäläm agentlığı NASAnıñ xezmätkärläre bu fotolar oçış waqıtında korabnıñ qoyrıq öleşendä barlıqqa kilgän säyer kisäk zıyan kitergänme-yuqmı ikänen açıqlarğa yardäm itär dip isäpli.
NASA korablar oçqanda mondıy kisäklär bulmaslıq üzgäreşlär kertkänçegä qädär başqa korablar oçırmasqa qarar itte. 2003-tä Columbia korabı hälakätenä dä şundıy ber kisäkneñ saqlağıç qatlamğa zıyan kiterüe säbäp bulğan ide.
