Kanaveral borını, Florida -- Quşma Ştatlarnıñ Ğäläm İdaräse bügen Mars planetasına küzläw cihazın cibärde. Sanaq xatası arqasında ul 2 tapqır kiçekterelep torğan ide. 720 million dollarğa töşkän bu cihaz moñarçı Marsqa cibärelgännärdän iñ zurısı häm kamile sanala. Belgeçlär anıñ yärdämendä "Qızıl planeta" turında yaña mäglümät tuplarğa niätli. Cihaz Marsqa Mart aylarına barıp citäçäk, häm 4 yıl buyı anıñ tiräli äylänep yöriäçäk. Bu proyekt uñışlı bulsa, NASA Marsqa tağın 2 cihaz cibärergä cıyına.
