Ukraina prezindentı Viktor Yuçenko tarafdarları, Yuçenkonıñ saylawaldı kampaniäsenä Rusiä magnatı Boris Berezovski aqça birde digän mäğlümatne kire qaqtı. Prezident xakimiäte başlığı Oleh Rıbaçuk, alarnıñ Berezovski belän tanış bulmağannarın belderde.
Waqıtlıça yustisiä ministrı wazifasın ütäwçe Roman Zvarıx, bu ğäyepläw, döres bulıp çıqqan xäldä dä, prezidentqa ışançısızlıq belderü öçen säbäp bula almıy, dide:
"İmpiçment süzeneñ säyäsi mäğnäse yuq häm prezident säyäsi ğämälläre öçen urınınnan alına almıy. İmpiçment barı tik cinäyät qılğan oçraqta ğına belderelä ala. Cinäyät turında süz barsa – cinäyät kodeksınıñ mäddäsen bilgelägez," dide Zvarıx.
Bäysez Ukrainanıñ berençe prezidentı, xäzerge waqıtta parlament äğzase Leonid Kravçuk çärşämbe könne, Berezovskinıñ Yuçenkoğa saylawaldı eşlärenä kimendä 15 million dollar aqça birgäne turında mäğlümat bar, ägär bu döres bulıp çıqsa, Yuçenkoğa ışanıçsızlıq belderergä bula, digän ide. Ukrainanıñ 5nçe televidenie kanalı Berezovskinıñ üze belän söyläşep – Rusiä magnatınıñ Kravçuk belän söyläşkänen, ämma Yuçenko kampaniäsenä aqça turında süz bulmağanı xaqında xäbär itte. Rusiädä Berezovskinı qulğa alu färmanı bar.
Waqıtlıça yustisiä ministrı wazifasın ütäwçe Roman Zvarıx, bu ğäyepläw, döres bulıp çıqqan xäldä dä, prezidentqa ışançısızlıq belderü öçen säbäp bula almıy, dide:
"İmpiçment süzeneñ säyäsi mäğnäse yuq häm prezident säyäsi ğämälläre öçen urınınnan alına almıy. İmpiçment barı tik cinäyät qılğan oçraqta ğına belderelä ala. Cinäyät turında süz barsa – cinäyät kodeksınıñ mäddäsen bilgelägez," dide Zvarıx.
Bäysez Ukrainanıñ berençe prezidentı, xäzerge waqıtta parlament äğzase Leonid Kravçuk çärşämbe könne, Berezovskinıñ Yuçenkoğa saylawaldı eşlärenä kimendä 15 million dollar aqça birgäne turında mäğlümat bar, ägär bu döres bulıp çıqsa, Yuçenkoğa ışanıçsızlıq belderergä bula, digän ide. Ukrainanıñ 5nçe televidenie kanalı Berezovskinıñ üze belän söyläşep – Rusiä magnatınıñ Kravçuk belän söyläşkänen, ämma Yuçenko kampaniäsenä aqça turında süz bulmağanı xaqında xäbär itte. Rusiädä Berezovskinı qulğa alu färmanı bar.
