Başqala Dählidän könçığışqa taba 210 çaqrımdağı Agra şähäre yanında bügen Rusiä häm Hindstan xärbi köçläre terrorğa qarşı künegülär başladı. Älege çara 9 kön däwam itäçäk. Hindstan saqlanu ministrlığınıñ matbuğat wäkile Sitanşu Kar süzlärenä qarağanda, çarada ike yaqtan da 150şär ğäskäri qatnaşa, alar xärbi strategiälär häm ostalıqnı urtaqlaşa. Künegülärneñ maqsatı şulay uq xärbilärne şartları awır bulğan çüldä suğışnı alıp barırğa öyrätü. 16nçı üktäberdä künegülär könbatış Hindstannıñ Bikaner şähärendä, Rusiä saqlanu ministrı Sergei İvanov häm Hindstan xärbi köçlär başlığı general Singh qatnaşında däwam itäçäk.
