Pentagon süzçese Lawrence Di Rita ğisyançılar tağın da kamilräk häm qurqınıçlıraq bombalar yasıy dide. Şul uq waqıtta ul AQŞ xärbiläreneñ küzläw mäğlümätläre dä arta barıp soldatlarğa qayber oçraqlarda andıy höcümnär buldırmaw mömkinlege birä dide.
Kiçä Pentagon Ğiraqta 3 urında yulğa quyılğan bombalarnıñ 7 amerikan soldatın üterüe turında beldergän ide. Üktäber ayında Ğiraqta 92 amerikan soldatı üterelde. Bu Ğiraq suğışında amerikannar iñ küp yuğaltular kürgän 4-nçe ay buldı.
Kiçä Basrada yulğa quyılğan bomba şartlawdan kimendä 20 keşe hälak buldı, 70-tän artıq keşe yaralandı.
Ğiraq prezidentı Cäläl Talabani kürşe Süriägä qarata xärbi köç qullanuğa qarşı buluın belderde. Şul uq waqıtta ul ägär AQŞ xärbiläre Ğiraqtan Süriägä qarşı xärbi çaralar başlarğa qarar itsä moña yul quymaw öçen köçe citmiäçägen dä tanıdı.
