Azärbäycan xakimiätläre oppozitsion Azärbäycan Demokratik Partiäseneñ räis urınbasarı Natiq Efendievkä cinayät ğäyepläwläre belderde.
Efendievneñ advokatı Vuqar Xasayev Turan xäbär agentlığına Efendiev fetnä häm çualışlar äzerläwdä ğäyeplänä dide.
Xasayev ğäyepläwlär säyäsi maqsatlı dip isäpli.
Elek Azärbäycannıñ Ganca şähärendä militsiä başlığı bulıp eşlägän Efendiev 16-nçe üktäberdä totqarlanğan ide.
Partiäneñ ildän cittä yäşäwçe citäkçese Räsül Guliev belän, xökümätne bärep töşerü öçen süz berläşterüdä ğäyepläwlär nigezendä soñğı arada Azärbäycanda berniçä elekke ministr, xökümät räsmiläre, käsepçelek citäkçeläre häm militsiä xezmätkärläre qulğa alındı.
Alar belän elemtälären kire qağuçı Güliev 6-nçe noyäberdä ütäçäk parlament saylawlarına namzät bulıp terkälde.
