Accessibility links

Кайнар хәбәр

Qırğız räsmiläre törmälär tınıçlana dip ışandıra


Qırğız Yustitsiä ministrlığınıñ törmälär idaräse başlığı Kapar Mukeyev Qırğızstan törmälärendä wäzğiät normalläşä, totqınnar aqrınlap qoralların tapşıra bara dip belderde. Qırğızstannıñ 5 törmäsendä ğisyan kütärelü näticäsendä 4 keşe hälak bulıp, berniçä keşe yaralanğan ide. Mukeyev qayber totqınnar äle qoralların tapşırırğa bik aşıqmıy dide. Totqınnarğa qoralların tapşıru öçen yaña waqıt bilgelängän, xäzer alardan yäkşämbegä barlıq qoralların tapşıru taläp itelä. Mukeyev militsiä tärtip saqlaw öçen qoral qullanaçaq dide. Törmälär idaräseneñ matbuğat xezmäte başlığı Sergey Sidorov bügen Bişkäktä Azatlıq radiosı xäbärçesenä qayber totqınnar äle dä açlıq tota dide. "Totqınnar törmälär idaräse başlığı möräcäğätennän soñ tıyılğan äyberlärne aqrınlap tapşıra bara. Qayber urınnarda tınıç qına açlıq çaraları ütä. Tärtipsezlek yuq, çualışlar yuq" dide Sidorov.
XS
SM
MD
LG