Azärbaycanda xakimiättä bulğan "Yeni Azärbaycan" firqase irtägä ütäçäk parlament saylawları – irekle häm ğädel bulaçaq, dip belderde. Partiäneñ sekretare Ali Ahmedov, tawış birüneñ açıq häm demokratik buluı öçen barısı da eşlänä, dide. Ämma kiçä oppozisiädäge ike firqa, Milli Front häm Demokratik Partiä, üzläreneñ saylawaldı kampaniäse citäkçeläreneñ qulğa alınuın xäbär itte. Älege firqalär ikese dä oppozisiädäge Azatlıq berlegenä kerä. Eçke eşlär ministrlığı, Demokratik partiäneñ saylawaldı kampaniäse citäkçese Faramaz Cawadov, milisiägä üz eş urının tikşerergä irek birmägäne öçen qulğa alındı, dip xäbär itte. Milisiädä, Cawadovta qoral saqlanu turında mäğlümate bulğan. Tikşerü waqıtında qoral çınnan da tabılğanmı-yuqmı – bu xaqta xäbär itelmi.
