Bügen Azärbaycan oppozisiäse oyıştırğan uram cıyınında meñlägän keşe qatnaştı. Uramğa çığuçılar yäkşämbe könne uzğan parlament saylawlarnıñ ğädel bulmağanına qarşılıq belderde. Azatlıq radiosınıñ Baqıdağı xäbärçese Robert Parsons, qarşılıq çarası tınıç uzdı, polisiä küp ide, köç qullanu bulmadı, dip belderde. Oppozisiädäge Azatlıq berlege saylaw näticälären köçtän çığarunı taläp itä. Yevropada İminlek häm Xezmättäşlek Oyışması, şulay uq Yevropa Şurası da, saylawlar xalıqara standartlarğa turı kilmäde, dip belderde. Bügen Baqıdağı çaralar turında tulıraq mäğlümat Azatılqnıñ xalıqara küzätüendä bulaçaq.