Uzğan atnada Qabarda-Balqar respublikasında yuğalğan islam üzäge citäkçese Ruslan Naxuşev, uzğan ayda Nalçikta bulğan terror höcümenä qatnaşı buluda şiklänelä. Bu xaqta Rusiä general prokurorı urınbasarı Nikolai Şepel belderde. Naxuşev uzğan atnada federal iminlek xezmätendä söyläşülädän soñ kire öyenä qaytmadı. Şepel süzlärenä qarağanda, elekke Guantanamo totqını Rasul Kudayev ta Nalçikka qatnaşı buluda şiklänelä. Könçığış Seber räsmiläre xäbär itüençä, şulay uq höcümgä qatnaşı buluda şiklänelep 2 keşe qulğa alınğan. Räsmi mäğlümatlärgä qarağanda, Nalçikta uzğan ayda 140 keşe häläk buldı, alarnıñ 95e – suğışçılar.
