Zöfär Xäyretdinov Tobol şähärenä cırçılarnı urındıqlar sanına qarap qına alıp bardı. 10 nçı noyäberdä Tömändä, 12 endä Tobolda Zöfär Xäyretdinovnıñ konsertı bulıp uzdı. Tömändägese bügenge köndä iñ küp keşe sıya torğan sirk binasında ütte. 1600 urındıqnıñ meñgä yaqınına bilet satılğan ide. Gölnara Timercanova konsertnıñ berençe bülegendä cırlawğa uq poyezdğa utırıp tuğan yağı Borayğa qaytıp kitte.
.-Bu tormış şundıy qatlawlı ki... Qaywaqıtta närsä öçen, kem öçen yäşägäneñne, nişlägäneñne häm närsä eşläyäçägeñne uylana başlıysıñ. Bügengese köndä min qayğılı minutımda Tömän şähärendä. Yazmıştan uzmış yuq dilär. Bügenge köndä üzemneñ yörägemnän çıqqan cırlarnı cırlarğa häm wazifamnı ütim dip kildem. Annan soñ aldağı wazifamnı da ütim dip yulğa çığıp kitergä cıyınam. Cırçığa qayğını da, tamaşaçı küñelen kürüne dä bergä alıp barırğa turı kiläder... Gölnara Timercanova ätiseneñ wafat buluı xäbären Tömängä yulğa çıqqanda işetä. Äytkänemçä, berençe bülek betkänçe ük anı timer yul vokzalına iltep quydılar. Ä menä Alisä Şäyäxmätova, Gölnara Ğibadullina häm Aygöl Barievağa Tömändä genä cırlaw tätede.
-Bezne şulay ber konsertqa ğına çaqırdılar Tömängä genä. Härber cırçınıñ kübräk şähärlärdä kürenäse kiläder inde. Tömändä dä berençe tapqır cırlıym. Bu yaqlarnı poyezd belän genä uzğanım bar. Krasnoyarskiy yaqlarında ber yıl tordım. Härber yaña şähärne küräse kilä bit. Läkin, bügen, qızğanıçqa qarşı, Tömänne kürep bulmadı äybätläp. Çınlap torıp küräse kilä ide. Bälki ikençe waqıtta bulır alla birsä. Möxtäräm tıñlawçılar, işetkänegezçä, 4 cırçı qız Tobolğa barmıy bulıp çıqtı. İğlannarğa yazılğan isemlektän Rezidä Şäräfiewa bötenläy kilmägän ide. Şunısı ixtibarğa layıq: Tömängä dä, Tobolğa da ber ük afişalar elende. Min bu konsertnı seber yaqlarında oyıştırğan Färit Xäkimnän: “Ni öçen bezneñ tatar estradasında tamaşaçını sanğa suqmaw bar. İsemnäre iğlannarda bulğan cırçılarnı alıp kilmäw häm keçeräk konsert zallarına törkemdägelärneñ barsın da alıp barmaw öçen kem cawaplı?”,- dip soradım.
- Zöfär Xäyretdinovnıñ östendä tora bu mäs'älä. -Aldan söyläşkän waqıtta kileşelmi meni ul? Cırçı qızlar äytä: “Bezne Tobolğa çaqırmadı”,- di. Bik barası kilgännäre bar aralarında. -Eçke mönäsäbätlärenä kereşä almıym. Finans yaqları, kommerçeskiy intereslar “uynıy” bulır. Minemçä Zöfärgä ike iğlan, afişa eşlärgä kiräk bulğandır. Tömändä kübräk tamaşaçı bulır dip, wäğdä birgän artistların alıp kilgän. Tubıllılarnı kimsetüdän dip äytmim min.
-Qızlar öçen kiräk ber yağım bar. Bügenge köndä härber cırçı qız yaxşı cırğa moxtac. Allağa şöker estradanıñ güzällärdän iñ güzälen saylıy alam. İñ qızığı şul räxätlänep riza bulalar. -Barlıq qızlarnı da Tobolğa alıp barmıysıñ ikän... -Bu Tobolskinıñ bügenge köndä matdi yağınnan qaralıp eşlänä. Tobol'skiyğa barabız iñ-iñ yaxşı üzäge belän.
