Accessibility links

Кайнар хәбәр

Sobyäninnıñ kitüe Tömän ölkäse öçen zur yuğaltumı?


Tömän ölkäse gubernatorı Sergey Sobyäninnıñ Rusiä Prezidentı xakimiäte başlığı itep bilgelänüen qayberäwlär ölkä öçen zur yuğaltu dip bäyäläde.

-Anıñ öçen äybät kitüe. Ä bezneñ öçen, xalıq öçen naçar. Uramnarnı äybätläde. Yullarnı yasadı.
-Protiv çto on uyıxal. On xozyaystvennıy mujik bıl. Yedva li u nas bol'şe taqoğo xozyäina budet.
-Mne v prinsipe bezraznitsı. Obidno çto uşel. Mojet bıt' tam dlya stranı çto to sdelaet.
-Polojitel'no! Budet xoroşim xozyäinom v strane, ne tol'ko oblasti. Xoroşiy on wezde xoroş, a xerovıy wezde xerovıy.
-YÄ sojaleyu, çto yeğo zabrali v Moskvu. A Smetanyuk, qotoroğo proroçat, on yeşçe molodoy. Ne opıtnıy. Prosto ne znayu, çto budet s nami.

Uramda oçraşqan keşelär Sergey Sobyäninnıñ xuca bularaq, ölkä häm Tömän şähäre öçen küp eşlär başqaruın bilgeläp ütä. Yullarnı rätläwe, şähärne maturlawına söyenä. Qayberäwlär yaña urında ğomum Rusiä öçen dä faydası tiär dip uylıy.

Älegä Tömän ölkäse gubernatorı wazifaların Sergey Smetanyuk başqara. Ul vitse-gubernator. Tömän ölkäse Duması räise Gennadi Korepanov äytüençä, yaña gubernator dekaber ayında raslanaçaq. Anıñ süzlärençä, Putin noyäber axırına qädär Tömän ölkäseneñ başlığı kem bulasın xäl itäçäk.

Küplär öçen kötelmägän bu xäl, mäğlümat çığanaqları wäkilläre arasında törle süzlärgä etärde. Jurnalistlar üzara söyläşkändä Yamal gubernatorı Neolov Tömän ölkäsenä kilä ikän, Tömän şähäre başlığı Vladimir Yakuşev Yamal-Nenes avtonom okrugına anıñ urınına kitäçäk dip tä söyli. Qayberäwlär Mäskäw üz keşesen cibäräçäk dip tä quya.

Xantı-Mansi avtonom okrugı gubernatorı Fillipenko bu xäbärdän soñ, Sobyänin däwlät başlığı xakimiätenä kilgäç federal' üzäk belän Rusiä töbäkläre arası yaqınayuına ışana.

İnternet saytları taratqan xäbärlärgä küz salsaq, Däwlät Dumasınıñ vitse-spikerı Vladimir Pextin kremel' xakimiäteneñ yaña başlığına uñay bäyä birep, töbäkneñ berençelärdän bulıp üzidarägä küçüen äytep uza.

Tobol şähäre seber tatar mädäniät üzäge räise, tatarlarnıñ ölkä avtonomiäse şurası äğzası Safiulla İl'yasov äytüençä, milli mä’sälälärgä kilgändä Sobyäninnıñ minusları da buldı.

-Ul Tömän ölkäse problemaların yaxşı belä. Küp programmalar eşlädelär. Problemalarnı belgäç, alarnı Mäskäwdä dä uz qulında totaçaq. Tömän, Tobol, ölkä xakimiäte wäkilläre ul problemalarnı anıñ yärdämendä tiz itep çişärgä mömkinnär. Döresen äytkändä, ul bik küp eşlär eşläde. Ämma anıñ küp eşläre uylanmağan. Bez perespektivı. Mädäniät tarmaqların avtonom itüläre, tatar mäktäplären yabuları... Balalar 15-20 kilometr atlap yörilär başqa mäktäpkä. Menä bu uylanmağan närsälär anıqı.

“NewsProm.Ru” internet basması xäbärçese Däwlät Dumasındağı Tömän ölkäsennän deputat Gennadi Raykov belän söyläşkän waqıtta, anı Raykovnı, Sobyäninnıñ yaña urınğa bilgelänüe ber dä ğäcäpländermägänen äytkän. Raykov fikerençä, Sobyäninnıñ Tömän ölkäsennän kitüe, töbäk öçen talantlı citäkçene yuğaltu.

Nail Alan. Tömän.

XS
SM
MD
LG