Qazaxstannıñ töp oppozitsion koalitsiäse xäbär itüençä, militsiä xezmätkärläre oppozitsiä citäkçeseneñ tuğannan tuğannarın qatı qıynağan.
Ğädel Qazaxstan öçen dip atalğan koalitsiä belderüendä, Nağız Aq Jol partiäse räistäşe Altınbek Sarsenbayevnıñ 2 tuğannan tuğanına kiçä kiç höcüm itkännär häm alar başları qatı cäräxätlängän xäldä xastaxanägä salınğan dielä.
Qıynalğannarnıñ advokatı Serikali Musin äytüençä, alarnı 3 militsiä xezmätkäre häm tağın ber keşe qıynağan.
Musin höcüm bulğan urınğa, Almatanıñ bilyard klubına kilgän militsiä xezmätkärläre qıynağan 3 militsiä xezmätkäreneñ kem buluın açıqladı dide.
Anıñ äytüençä, qıynağan militsionerlar ul waqıtta wazıyfalarında bulmağan. Almata militsiäse tikşerü iğlan itte. Sarsenbayev Azatlıq radiosına "Min tikşerü tämamlanuın kötäm. Ägär militsiä qıynağan xezmätkärlären yaqlarğa tırışa ikän, ul çaqta ber monı säyäsi maqsatlı ğämäl dip bäyälärgä tieş. Ägär alar qanun nigezendä cäzağa tartılsa, ul çaqta bez bu ğämälne banditlarça qılanuçı militsiä xezmätkärläre qatnaşındağı oçraq dip bäyäli alabız" dide.
Uzğan şimbädä Almatada kürenekle oppozitsiä wäkile Zamanbäk Nurkadilov üz öyendä pıçaq belän qadap üterelgän xäldä tabıldı.
