Accessibility links

Кайнар хәбәр

Bağdadta intixar höcüme: 30 keşe häläk buldı


Ğiraq başqalasında intixar höcüme näticäsendä kimendä 30 keşe häläk buldı, küplär yaralandı. Polisiä xäbär itüençä şartlaw avtobusta bulğan. Şaxitlärneñ berse menä närsälär söyläp birde: "Nassiriägä avtobus Än-Nädhä stansiäsennän yulğa quzğalırğa tora ide, şartlaw yañğrağanda min stansiägä kereştä tora idem. Yaralanğan 7-8 keşene üz küzem belän kürdem, avtobus eçendä bulğannar arasında isän keşe yuq ide. Şartlawnı üze belän avtobusqa berär şartlatqıç alıp kergän keşe oyıştırğan bulsa kiräk." Totıq itep alınğan xristian çirkäweneñ xäyriä eşläre belän şöğellängän 4 wäkile isän, totıq aluçılar üz şartların ütärgä, Ğiraqta törmälärdän totqınnarnı çığaruğa waqıtnı tağın 48 säğätkä ozayttı. Londonda Britaniä tışqı eşlär ministrı Jack Straw totıq aluıçlarnı Ğiraqtağı britan räsmilärenä möräcäğät itülären soradı. Totıq aluçılar belän söyläşülär bulu ixtimalı turında Straw ber ni dä äytmäde. Yaponiä premyer-ministrı Junichiro Koizumi, xökümät, 600 keşelek ğäskärlären Ğiraqta tağın ber yılğa qaldıru turında qarar qabul itte, dip belderde. Yapon ğäskärläre Ğiraqta xärbi çaralarda qatnaşmıy.
XS
SM
MD
LG