Brussel -- Yevropa Berlege İranda keşe xoquqları torışın tänqitlägän belderü yasadı. Berlektä räislek itkän Britaniä tarafınnan yasalğan belderüdä, İranda keşe xoquqları ölkäsendä wazğiätneñ naçarlana baruına borçılu äytelgän. Bederüdä, keçkenä cinäyätlär öçen, şul isäptän balalarğa, ülem xökeme çığarıluı, süz ireklegeneñ çiklänüe, internet häm matbuğatta senzura turında äytelä. Şulay uq, keşe xoquqları aktivistlarınıñ ezärleklänü oçraqları kiterelgän. Yevropa Berlege Tährannı keşe xoquqları ölkäsendä, uzğan yıl özelgän söyläşülärne yañartırğa çaqıra.
