naif aqmal

Pekiñda Pxenyannıñ atom programması turında 6 yaqlı söyläşülär yañartıldı

Pekiñda Tönyaq Koreanıñ atom programması turında 6 yaqlı söyläşülär başlandı. Anda Tönyaq Korea üzeneñ atom programmasınnan baş tartqan oçraqta aña iqtisad häm iminlek ölkäsendä qızıqsındıruçı täqdimnär yasaw turındağı 2005-nçe yılğı belderüne tormışqa aşıru mäsäläse qarala. Räsmilär bu söyläşülär uzğan üktäber ayında Pxenyannıñ berençe atom sınawınnan soñ tağın da naçarayğa körçektän çığarğa yardäm itär digän tıynaq qına optimizm belderde.

Jurnalistlarnı yaqlaw komitetı matbuğatqa höcümnär turında yıllıq xisabın iğlan itte

Küptän tügel Quşma Ştatlardağı xoquq yaqlaw oyışması Freedom House Dönyada ireklek turındağı yıllıq xisabında Rusiäne Kuba, Liviä, Tönyaq Korea kebek illär belän ber törkemgä kertkän ide.Bu atna başında Jurnalistlarnı yaqlaw komitetı xäbär taratunıñ qurqınıçlı yaqları turında yıllıq xisabın iğlan itte. Anda da Rusiädäge matbuğat torışı zur borçılu belän sürätlänä. 323 bitlek kitap itep çığarılğan bu xisap "2006 yılda matbuğatqa höcümnär" dip atala.

Yewropa Berlege - Rusiä söyläşüe energiä ölkäsendäge kileşmäwçänleklärne betermäde

Yewropa Berlege räsmiläre Rusiä tışqı eşlär ministrı Sergey Lavrov belän söyläşü öçen düşämbe könne Mäskäwgä kilde. Anda töp mäsälälär energiä mäsäläläre buldı.

BMO ğalimnәr tөrkeme Cirneñ cılınuı өçen keşene ğәyepli

Klimatnı өyrәnüçe iñ kürenekle ğalimnәrdәn torğan xalıqara şura comğa kөnne Parijda üzeneñ xisabın iğlan itte. Anda cir şarınıñ cılınuına keşe ğәyeple bulırğa bik mөmkin dielә. Xisapta şulay uq aldağı distәlәrçә yılda tabiği mөxittә bik zur üzgәreşlәr bulu mөmkinlege turında kisәtelә.

Putin jurnalistlar belәn yıllıq oçraşuın üktәrde

Rusiә prezidentı Vladimir Putin pәnceşәmbe kөnne üz xakimiәte çorında 6-nçı mәrtәbә jurnalistlar belәn zur yıllıq oçraşu ütkәrde. Anda 1200dәn artıq jurnalist qatnaştı. Әmma küpçelegenә, şul isәptәn Tatarstan hәm Başqortstan jurnalistlarına soraw birü nasıyp bulmadı. 3 sәğәt 32 minut dәwam itkәn şul oçraşu barışında Rusiә citәkçese 69 sorawğa cawap birde. Bıyılğı oçraşu Putinnıñ jurnalistlar iñ ozın oçraşuı bulsa da, bıltır Putinğa berniçә minutqa qısqaraq oçraşuda yөzdәn artığraq soraw birergә өlgergәnnәr ide.

AQŞ kөçlәreneñ üzәk idarәsenә tәqdim itelgәn yaña citәkçe Ğiraqta yaña strategiәgә çaqıra

Yaqın Kөnçığıştan alıp Kөnyaq Aziәgә qәdәr AQŞ kөçlәreneñ yaña citәklәwçe urınına tәqdim itelgәn admiral William Fallon yaña strategiә Ğiraqtağı wәzğiәtne qotqara ala, әmma uñışqa ireşü өçen AQŞ tiz eş itәrgә tieş dip belderde. Moñarçı Tınyaq Okean tөbәgendәge AQŞ kөçlәren citәklәgәn Fallon yaña wazıyfağa raslanunıñ ber өleşe bularaq sişәmbe kөnne Senatnıñ Qorallı Xezmәtlәr Komitetında çığış yasadı.

Yabloko firqәse Piterbur şәhәr şurası saylawlarında qatnaştırılmıy

Rusiәneñ oppozitsiәdәge Yabloko firqәse Piterburda ütәçәk cirle saylawlarda qatnaştırılmıy. Saylaw komissiәse Yablokonı saylawlarğa әzerlek qağiәdәlәren bozuda ğәyepli. Yabloko citәkçelәre isә saylawlardan citlәşterelü partiәneñ xakimiәtlәrgә qarşı qatı oppozitiәdә buluğa bәyle di.

Tәhran BMOnıñ çiklәwlәrne tuqtatıp toru tәqdimen qarıy

Iran Berlәşkәn Millәtlәr Oyışmasınıñ әgәr dә Tәhran atom eşçәnlegen küpmeder waqıtqa tuqtatıp torsa şul waqıtqa İranğa qarşı BMO çiklәwlәren dә tuqtatıp toru turındağı tәqdimen qarıy. Şundıy tәqdim belәn BMOnıñ Xalıqara Atom Energiә İdarәse başlığı Mөxәmmәt әl-Baraday çıqqan ide. Әl-Baraday dialog buldıru өçen çiklәwlәrgә tәnәfes kirәk dide.

Tähran BMO rezolütsiäsenä qaramastan uran bayıtunı däwam itäçäk

Iran BMO Iminlek Şurasınıñ çikläwlär kertü belän yanawçı rezolütsiäsenä qaramastan uran bayıtunı däwam itäçägen belderde. Düşämbe könne İran prezidentı Mäxmät Äxmädinicat BMO İminlek Şurası çikläwläre ilneñ atom programmasına täesir itmiäçäk dide.

Gazprom Saxalin-2ne kontrolgä aldı

Angliä-Niderland urtaq neft şirkäte Shell Rusiäneñ Gazprom şirkäte Saxalin-2 di atalğan energetiä proyektınıñ 50 protsent häm tağın ber aksiäsen üzenä ala dip belderde. Bu Rusiä Mäskäw Kremleneñ Rusiä energiä tarmağın üz kontrolenä alu yulındağı çirattağı zur adımı dip bäyälänä.

Niyazovnıñ üleme Törkmänstanda xakimiät buşlığı tudırdı

Törkmänstan Sovet Sotsialistik Respublikasında 1940 yılnıñ 19 fevralendä tuğan häm ul respublikadan üzeneñ säyer dönyasın tözegän Saparmurat Niyazov 21 dikäber irtäsendä wafat itte. Ul Törkmänbaşı, bäysez Törkmänstannıñ ğömerlek prezidentı ide. Anıñ xakimiäte çorında xätta ay isemnäre dä Niyazov häm anıñ ğailäse belän bäyläp üzgärtelgän ide.

Annan jurnalistlar belän BMO citäkçelegendä xuşlaşu oçraşuı ütkärde

Tämamlanıp kilüçe yılnıñ soñğı könendä wazıyfasınnan kitäçäk BMO general sekretare Kofi Annan sişämbe könne üzeneñ kitüe uñayınnan New Yorkta matbuğat oçraşuı ütkärde. Annan BMO citäkçelegennän kitü bu oyışmanı uzğan 10 yılda citäkläw çorında alıp barılğan eşçänlekne, şul çordağı maqsatlarğa ireşü tırışlıqların tuqtatunı añlatmıy dide. Töp yünäleşlär dip ul HİV/AİDS awıruına qarşı köräşne, Afrikada tärräqiät mäsälälären häm däwlätlärneñ üzara tiñdäşlegen, tigezlegen arttırunı atadı.

Pentagon xisabında Ğiraqtağı xällär bik yaman itep sürätlänä

Ğiraqta köç qullanu artqannan arta bara. Düşämbe könne AQŞ saqlanu ministrlığı iğlan itkän xisapta Ğiraqtağı wäzğiät bik qara töslär belän sürätlänä. Amerikan häm Ğiraq hädäflärenä höcümnär avgust ayında kisäk artıp kitte. Bağdadta iñ zur qurqınıç xäzer şığıy suğışçılardan kilä. İñ tınıç xalıq arasında ülüçelärneñ häm yaralanuçılarnıñ küp buluına da xäzer äl-Qaidä kebek terror oyışmalarınnan bigräk alar säbäpçe.

Tönyaq Korea atom programması söyläşüläre yañartıldı

Qıtay Başqalası Pekiñda Tönyaq Koreanıñ atom programması turında 6 il qatnaşında söyläşülär yañartıldı. Bu söyläşülär ber yıldan artıq tuqtalıp torğan ide.

Yewropa Berlege sammitı kiñäyüne däwam itü mäsäläsen qarıy

Yewropa Berlege illäreneñ atnakiçtä Brüsseldä açılğan sammitında töp mäsälä Yewropa berlegen kiñäytüne däwam itü yäki itmäw. Küpçelektäge kiñäytügä qarşılar atna başında Törkiä belän äğzalıq söyläşülären öleşçä tuñdıruğa da ireşte inde. Sammit kiñäyüne älegä xäzerge namzät illär häm könbatış Balkan illäre belän genä çikläp qatğıy taläplär quyıluğa kiterer sıman.

Elekke Yaqın Könçığış diplomatı diplomatiädä saq eş itärgä çaqıra

Annan xuşlaşu çığışında AQŞnı keşe xoquqların yaqlarğa çaqırdı

Bu yıl tämamlanu belän wazıyfasınnan kitäçäk Berläşkän Millätlär general sekretare Kofi Annan üzeneñ bu urındağı soñğı räsmi çığışında, Quşma Ştatlarnı keşe xoquqların, qanunçılıqnı yuğarı däräcädä totarğa çaqırdı. Annan AQŞnıñ bu mäsälälärdäge küptännän kilgän äyräwçe rolennän baş tartuı başqa illärne borçuğa sala dide. Düşämbe könne bulğan şuşı xuşlaşu çığışında Annan şulay uq BMOnı 10 yıl citäklägändä küp kenä möhim sabaqlar aluı turında dä söyläde.

Pinochet ülemennän soñ Çilida bäreleşlär buldı

Çilida ilneñ elekke diktatorı Augusto Pinochetnıñ ülemennän soñ meñnärçä keşe uramnarğa çıqtı. 1973tän alıp 1990-ğa qädär 17 yıl Çilinı citäklägän Pinochet yäkşäme könne ülde. Ul xakimiättä bulğanda keşe xoquqların bozuda ğäyeplänä häm cinayät eşe äle yabılmağan ide.

AQŞnıñ Discovery ğäläm korabı Xalıqara Ğäläm Stansiäsenä kitte

Mäskäw xastaxanäsendä yanğınnan 45 xatın-qız ülde

Mäskäwdä narkomaniä häm eçkeçelektän däwalanuçılar xastaxanäsendä yanğınnan kimendä 45 xatın-qız hälak buldı. Un keşe cäräxätlängän, yözdän artıq keşene evakuatsiälägännär. Xastaxanägä ut törkännär digän şik belän tikşerü eşläre bara.