14 февральдә Казанда татар җырчылары журналистларның "Барс Медиа" җәнҗалы турындагы сорауларына җавап бирде. Соңыннан Ландыш Нигъмәтҗанованың сүзләрен ялган детекторында тикшерү уздырылды.
Камал театрына яңалык алып килгән щепкинчыларның берсе — Әзһәр Шакиров сәхнәдә 60 ел иҗат итә. 22 февраль аенда аңа 80 яшь тула. Камал театрында узачак юбилей кичәсендә Татарстанның һәм Русиянең халык артисты "Әти" дигән монолог сөйләргә җыена.
Мәскәүдәге "Хәят" театр студиясенең бу сезонда өченче курсы башланды. Һәр курс бер ай дәвам итә. Аны оештыручы Айнур Сафиуллин белән әңгәмә кордык.
Уфа "Нур" татар дәүләт театры башкаланың татар җәмәгатьчелеге вәкилләре белән Нәкый Исәнбәтнең "Һиҗрәт" пьесасы нигезендә куелган спектакль уңаеннан фикер алышу уздырды.
"Казан утлары" журналының 2019 елның декабрь санында Шагыйрь Рүзәл Мөхәммәтшинның "Хәл бу ки" әсәре басылып чыкты. Ул "Мин дә китәрмен әле" дигән китаптан өзек. Бу әсәр дә, басмадагы өзек тә шау-шу тудырды.
Шәехзадә Бабич архивы аны өйрәнгән Татарстан галимнәре өчен ябык. Ике милләт зыялылары арасында аның өчен тарткалаш әле дә бара. Кем ул: татармы, башкортмы? 26 яшендә җәзалап үтерелгән шагыйрьгә карата бүген игътибар нинди? Азатлык аның фаҗигале тормышын, мирасын барларга тырышты.
Татарның җыр һәм театр сәнгате мирасы кайда саклана, халыкның аны куллану мөмкинлеге бармы? Азатлык шушы сорауларга ачыклык кертергә тырышты.
Нью-Йоркта Carnegie Hall залының интернет сәхифәсендә күренгәнчә партердагы бер мең урынның якынча 100-150 урыны гына буш. Калганнары - алынган яки сатуда юк дип күренә. Концерт залы вәкиле сүзләренчә, күп очракта оештыручылар билетларның бер өлешен үз юллары белән таратыр өчен сатуга чыгармый.
Республиканың татар театрларында балалар өчен татар телендә Яңа ел тамашалары юк дәрәҗәсендә. Белгечләр моның сәбәпләрен туган телнең бетеп баруы белән аңлата.
Яңа фестивальләр, мәдәният министрына ачулы хатлар, Тинчурин театры тирәсендә каршылык, җәнҗаллар һәм яңа вазифалар, яңа тәҗрибәләр. 2019 ел мәдәният өлкәсендә нинди булып истә кала? Азатлык мөһим вакыйгаларны искә ала.
Зуля Камалова Казан тамашачысына "Алты көн ярату" альбомын тәкъдим итте.
18 декабрь "Калеб" берләшмәсе "Безнең җыр" лабораториясенең финалга сайлау турын үткәрде. Лабораториядә туган 30 җырдан җюри 19ын сайлап алды. Ә егерменчесен тамашачы intertat.ru cайтында тавыш биреп билгеләячәк.
дәвам
