"Көнчыгыш" батальоны башлыгы вафат

Чечнядә хезмәт иткән “Көнчыгыш” батальонының элекке башлыгы Сулим Ямадаев алган ярадан дүшәмбе көнне Берләшкән Гарәп Әмирлеге хастаханәсендә үлгән. Бу хакта мәгълүмат агентлыкларына аңың туганнары хәбәр иткән.

Ямадаевка шимбә көнне һөҗүм булган иде. Русиянең Дубайдагы илчелеге, үлгән кешенең чыннан да Русия каһарманы Сулим Ямадаевның булуын әлегә расламады. Кайбер мәгълүматларга караганда, Ямадаевка машинаны куйган җирдә атканнар.