Accessibility links

шимбә, 10 декабрь 2016, Казан вакыты 23:45

İzrail Libannıñ könyağındağı Xizbulla qorılmaların qabat bombaladı


Biş keşe hälak bulğan, dürtäw yaralanğan.

İzrailneñ xärbi citäkçelege beldergänçä, Libandağı nizağnıñ berençe könennän alıp bügengä qädär Xizbullanıñ 100-gä yaqın suğışçısı üterelgän. Liban xakimiatläre äytüençä, bombalaw näticäsendä ülüçe Libanlılarnıñ sanı 600-gä yaqın.

İzrailneñ yuğaltularına kilgändä, 33 xärbi, 19 ğadi xalıq hälak bulğan. 100-läp keşe yaralanğan.

İzrailneñ saqlanu ministrı Amir Peres belderüençä, Könyaq Libanda suğışnı kiñäytü älegä planlaştırılmıy.

Ğaza şähärendäge ike könlek operatsianeñ tögällänüe turında iğlan itelde. Timer belän tışlanğan texnika könçığış häm tönyaq öleştän çığarılğan. Fälestinneñ ike suğışçısı üterelgän. Xärbi oçqıçlar qoral citeşterelgän häm saqlanğan dip uylanılğan berniçä qorılmanı bombaladı.

XS
SM
MD
LG