Törkiäneñ xakimiät partiäsen citäkläwçe Recep Tayyip Erdogan bügen parlament äğzası bularaq qabul itelep xökümät citäkçelegen üz qulına aluğa äzerlänä başladı.

Erdogan uzğan yäkşämbedä ütkän östämä saylawlar näticäsendä parlamentqa kerde. Törkiä premyer-ministrı Abdulla Gul Erdoganğa premyer-ministrlıq yulın açu öçen bügen wazıyfasınnan çigenüen iğlan itte. Gul yaña xökümättä başqa ber citäkçe wazıyfa alır dip kötelä.