Accessibility links

дүшәмбе, 5 декабрь 2016, Казан вакыты 07:30

Ğiraq köçläreneñ 5nçe korpusı koalitsiä köçläre belän atışlarnı tuqtatu turında kileşü tözede


Amerikan xärbi köçlärennän alınğan mäğlümatkä qarağanda Ğiraq armiäseneñ 5nçe korpusı tönyaqtağı Mosul şähärendä amerikannarğa birelgän. Ğiraq ğaskärläre häm koalitsiä köçläre arasında atışlarnı tuqtatu turında kileşü imzalanğan, Ğiraq xärbiläre irekkä cibärelde. Bu xaqta Üzäk xärbi idaräneñ wäkile general Vincent Brooks belderde. Amerikan xärbiläre wäkile mayor Rumi Nielson-Green, maxsus köçlär Mosul häm Kirkuk şähärlärenä urnaştı, dip belderde. Qorallanğan kördlär isä kiçä alınğan Kirkuk şähären amerikan ğaskärläre kontrolenä birmäkçe. 3 şähärdä Kirkuk, Mosul häm Bağdadta urlaw häm talawlar däwam itä. Kirkukta uzğan töndä ber-niçä keşe üterelgän, dip xäbär itelä. Amerikan generalı Vincent Brooks, Ğiraq citäkçeläre başqa illärgä kitergä tırışa, dide. “Koalitsiädäge illär xökümätläre xökem itelergä tieşle rejim citäkçeläreneñ 55 keşelek isemlegen tözede. Bu keşelär totılırğa, qulğa alınırğa yä üterelergä tieş”, dide Vincent Brooks. Yözlägän Ğiraqlılar bügen Bağdadtağı xärbi küzläw idaräse binasına watıp kerde. Säyäsi totqınnarnıñ tuğannarı üz yaqınnarı şul binanıñ bazlarında totıla dip farazlağan. Qayberläwlär cirne qazıp kerergä tırıştı, ber cirdä şartlaw yañğrağan dip xäbär itelde. Soñıraq Amerikan xärbiläre xärbi küzläw idaräse binasın üz kontrolenä aldı.

XS
SM
MD
LG