Yevropa Berlegeneñ Kiñäyü öçen cawaplı wäkile Olli Rehn, Törkiädä Ğosmanlı çorında ärmännärne küpläp üterü turında äytkäne öçen törmädä utırğan törek yazuçısı Orhan Pamuk belän oçraştı. Pamuk dikaber ayında İstanbulda mäxkämä aldına basaçaq. Aña, Şveysariä jurnalına birgän äñgämädä, ğosmanlı çorınıñ soñğı yıllarında millionnan artıq ärmän yuq itelde dip äytkän süzläre öçen "Törkiägä tap töşerü"dä ğäyepläw belderelgän. Pamuk ul üterüne "genosid" dip atamadı. Ärmännär häm könbatış tarixçılarınıñ Törkiäne genosidta ğäyepläwne räsmi Änkara kire qağıp kilde.
