Cäzair başqalasınıñ könçığışındağı ber rayonda, polisiä binasında bulğan şartlawda 21 keşe yaralandı. Yaralanuçılar arasında polisiä xezmätlärennän qala ğadi xalıqnıñ da buluı xäbär itelä. Şartlaw bärbär xalqı küpläp yäşägän Ozu dip isemlängän tawlıq qabilä cirendä bulğan. Şartlawda cäwaplılıqnı üz östenä aluçı törkem bulmadı. Läkin ildäge äl-Qaidä törkeme iñ soñgı şartlawlarda üzläreneñ qatnaşlığı buluın söylägän ide. Şul isäptän bu ay başında Laxdariadağı ber intixar höcümendä, 13 xärbi yaralanğan ide.
