Швейцария банклары сере ачылачак

Швейцария үз банкларында миллиардлаган доллар акчаларын саклаган дөньяның иң бай кешеләре турында мәгълүмат бирмәү канунын үзгәртә.

Тикшерүчеләргә кирәк вакытта салым түләмәвенә дәлилләр булган хисап ияләре турында мәгълүмат алу мөмкин булачак.

Бу карарын Швейцария Лондонда бүген ачылган җыен алдыннан игълан итте. Финанс кризисы тирәнәйгән саен "салым оҗмахларына" каршы басым арта бара.