Казандагы чараны Халык иреге (ПАРНАС) һәм Пират фиркаләре оештырды. “Без Pussy Riot төркеменең чыгышын хупламыйбыз, әмма аларны моның өчен хөкем итүгә каршы”, диде ПАРНАСның Татарстан бүлеге җитәкчесе Марсел Шәмсетдинов. Чарада катнашучылар 15ләп булды, калганнары журналистлар, полиция, экстремизмга каршы көрәш бүлеге вәкилләре, узып баручылар. Чара җирле хакимият белән килештерелгән иде.