Урыс патриархының тиздән Рим папасы белән очрашачагы хәбәр ителде. Мәскәү һәм Русия патриархы Кирилл католик чиркәве башлыгы Франциск белән шушы тарихи очрашуын 12 февральдә Кубада үтәрәчәк.
Чиркәүнең тышкы мөнәсәбәтләр башлыгы, Волоколам митрополиты Иларион сүзләренә караганда, очрашуда сүз христианнарны эзәрлекләү турында булачак. "Тарихи очрашу ике чиркәү арасындагы мөнәсәбәтләрдә мөһим бер адым булачак", диде митрополит.
Православ һәм католиклар башлыклары Һавана һава аланында очрашачак, сөйләшү нәтиҗәсендә уртак декларация кабул ителәчәк. Христиан дине тарихында католик һәм православ чиркәүләре башлыклары беренче тапкыр очраша.