Уфада мәктәп укучыларына агитация кәгазьләре таратканнар
Дәресләр тезмәсенә төреп бирелгән әлеге кәгазьгә "Бердәм Русия" намзәтнең биографиясе язылган.
Бүген Уфа шәһәренең бер мәктәбе янында билгесез агитаторлар бөтен кешегә мәктәп җәдвәле төшерелгән кәгазьләр таратканнар, дип яза Медиакорсеть. Ә аның эченә депутатлыкка бер намзәтнең биографиясе язылган агитация кәгазе төрелгән. Әлеге намзәт "Бердәм Русия" фиркасеннән.
Җәдвәлдә исә “18 сентябрь – ата-аналар өчен имтихан” дип язылган.
