Казанда 26 мартта коррупциягә каршы митингны оештырган активист, Алексей Навальныйның Татарстандагы сайлау идарәсе башлыгы Эльвира Дмитриеваны битлекле кешеләр тоткарлап полиция бүлегенә алып киткән. Бу турыда аның белән бергә машинада булган кеше хәбәр итә.
Бу хәл алдыннан Дмитриева Казан урамнарында үзен Kia машинасында эзәрлекләүләре, юл читенә кысрыклаулару турында хәбәр иткән иде.
Казанда 1500ләп кеше катнашындагы митингта бүген полиция ПАРНАС фиркасенең Татарстан бүлеге башлыгы Марсель Шәмсетдиновны да тоткарлады.
"Ачык Русия"нең Татарстан бүлеге вәкиле Илья Новиков белдерүенчә, Шәмсетдиновны 18 мартта узган митингта алдан хәбәр ителмәгән темага чыгыш ясау сәбәпле тоткарлаганнар.
