Le Mond газеты уздырган сораштыру нәтиҗәләренә караганда, дүрт намзәтнең икенче турга чыгу шанслары бар. Беренчелектә Эммануэль Макрон бара. Аңа сайлаучыларның 23 проценты тавыш бирергә мөмкин. Аның төп көндәше "Милли фронт" җитәкчесе Марин Ле Пенга сораштыруда катнашучыларның 22 проценты тавыш бирмәкче. Өченче урында уңчы "Республиканнар" фиркасе намзәте Франсуа Фийон, дүртенчедә - "Буйсынмас Франция" исемле сул тарафлы хәрәкәт җитәкчесе Жан-Люк Меланшон килә.
Франция президентын сайлау ике турда - 23 апрельдә һәм 7 майда узачак. Социологлар белдерүенчә, сайлаучыларның өчтән бер өлеше беренче турда тавыш бирергә бармаска мөмкин.
