Украина президенты Владимир Зеленский бүген Хәтер һәм татулашу көне уңаеннан украиннарга мөрәҗәгать итт
"Ел саен 8 майда, бөтен цивилизацияле дөнья белән берлектә, без Икенче дөнья сугышы вакытында дөньяны нацизмнан саклаган һәр кешегә хөрмәт күрсәтәбез. Миллионлаган кеше гомерен өзгән һәм язмышын җәберләгән явызлыкка “беркайчан да кабатланмаячак” дибез!
Ата-бабаларыбыз түләгән бәяне без белә идек. Аны саклау һәм буыннан-буынга тапшыруның никадәр мөһим икәнен белә идек. Ләкин безнең буын бу сүзләрнең башкача кулланылышына шаһит булыр дип күз алдына да китермәдек.
Быел без "беркайчан да кабатланмаячак" дигән сүзләрне башка төрле кабатлыйбыз. "Беркайчан да кабатланмаячак"ны башкача ишетәбез. Бу газаплы, рәхимсез яңгырый. Өндәүсез, ә сорау билгесе белән яңгырый...
24 февральдә “беркайчан” да сүзен бетереп ташладылар. Утка һәм бомбага тоттылар. Бөтен Украинаны уятып, иртәнге дүрттә йөзләрчә ракета җибәрделәр. Без коточкыч шартлаулар ишеттек. Кабат ишеттек”, диде Зеленский.
Танылган ирланд төркеме U2 Киев метросында концерт бирде
Музыкантлар "Крещатик" метро станциясендә шәһәр халкы алдында чыгыш ясады. Алар үзләренең төп хитларын, шул исәптән Русия Украинага бәреп кергәннән соң җирле саклану сафларына кушылган "Антитіла" төркеме белән, Stand by Me җырын Stand by Ukraine дип җырладылар.
"Сугыш балалары": Миңнияр Мәсәгутов
Украинага каршы сугыш башлаган Русия бу көннәрдә Икенче дөнья сугышы тәмамлануның 77 еллыгын бәйрәм итәргә әзерләнә. Русия хакимияте өчен 9 Май - Җиңү бәйрәме мөһим, изге даталарның берсе. Һәм соңгы елларда ул патриотизмы көчәйтү коралына әверелде.
Сугыш афәтен үз башыннан кичергәннәр аның коточкыч фаҗига булуын искә ала. Аерым алганда әти дип әйтергә тилмереп узган ятим балачак, ачлык һәм ялангачлык, миһербансызлык һәм вәхшилек турында алар Азатлыкка да сөйләгән иде.
Башкортстанның Федоровка районы Өчбүләк авылыннан 91 яшьлек Миңнияр Мәсәгутовка сугыш башланганда 10 яшь була. Ул сугыш башланган, әтисенә "повестка" тоттырылган, авыл ирләре сугышка киткән көннәрне ачык итеп хәтерли. Ил утка хәерче булып керде дип сөйли Миңнияр абый.
АКШ президенты Джо Байденның хатыны Джилл Байден Украинада булып китте
Ужгород шәһәрендә ул Украина президенты Владимир Зеленскийның хатыны белән очрашты. Украина хакимияте моны 8 майда игълан итте. Сәфәр бүген билгеләп үтелә торган Әниләр көненә багышланды.
Ужгород Украинаның көнбатышында, Словакия белән чик буенда урнашкан.
9 май көнне КФУның юридик факультеты студентларына “Үлемсез полк” чарасында катнашулары өчен өстәмә баллар вәгъдә ителә. Бу хакта студентларның “Гроза” вконтакте төркеме яза.
“Юридик факультетның академик төркеме язышуларыннан күренгәнчә, бу баллар сессия вакытында биреләчәк, +5 вәгъдә итәләр”, диелә анда.
8 майда Европа берлеге илләре Русиягә каршы яңа санкцияләр пакеты турында килешә алмады. Маҗарстан, Греция һәм Кипр Русия нефте импортын тыюга каршы чыкты. Бу турыда үз чыганакларына сылтама белән Bloomberg хәбәр итә.
Ак йорт Украинага каршы сугыш башлау сәбәпле Русиягә каршы яңа санкцияләр игълан итте
- АКШ Русия һәм Беларусның 2600дән артык түрәсенә, шул исәптән хәрбиләр һәм банкирларга виза чикләүләрен кертә. АКШ фикеренчә, аларның кеше хокукларын һәм Украинаның территориаль бөтенлеген бозу омтылышларында катнашлыгы бар.
- АКШ санкцияләре Сбербанк җитәкчелегендәге сигез кешегә, Газпромбанктан 27 кешегә, Мәскәү индустриаль банк һәм аның ун бүлекчәсенә кертелә. Аларның тулы исемлеген АКШ финанс министрлыгы чыгарды. Бу кешеләргә АКШка керү тыела.
- АКШ Беренче канал, Россия-1, НТВга каршы санкцияләр кертелә. Бу чикләүләр аларны җиһазлар белән тәэмин итүгә, шулай ук Америка ширкәтләренең аларга реклам урнаштыруны тыячак.
- АКШ хакимияте Америка ватандашлары һәм ширкәтләренә Русия фирмаларына аудит, консалтинг һәм маркетинг өлкәсендә хезмәт күрсәтүне тыя.
- Атом материаллары һәм сәнәгать җиһазлары кертеп, АКШ Русиягә берничә төр товар экспортлауны тыйды.
Украина эчке эшләр министры киңәшчесе Кырым күпере җимереләчәк дип белдерде
"Кырым күпере һичшиксез җимереләчәк, бу вакыт мәсьәләсе генә", дип белдерде Украина эчке эшләр министры киңәшчесе Виктор Андрусив. Аның сүзләренчә, бу бурычны үтәү өчен украин гаскәренең кирәкле коралы бар инде, әмма хәрбиләргә "Азак (Азов) диңгезе яр буена тагын да якынрак килергә кирәк".
"Вот так" басмасы искәртүенчә, берничә көн элек интернетта Кырым күпере юк ителәсе көнгә кадәр күпме вакыт калуын санап баручы сайт барлыкка килгән. Янәсе бу хәл 9 май көнне булырга тиеш диелгән.
Тулырак монда укый аласыз.